• Дзіцячая школа мастацтваўДзіцячая школа мастацтваў
  • Аляксандра-Неўскага Кафедральны саборАляксандра-Неўскага Кафедральны сабор
  • Свята сярэднявечнай культурыСвята сярэднявечнай культуры
  • Зажынкі ў МсціславеЗажынкі ў Мсціславе
  • Свята-Успенскі Пустынскі манастырСвята-Успенскі Пустынскі манастыр
  • Помнік Пятру МсціслаўцуПомнік Пятру Мсціслаўцу
  • Раённы выканаўчы камітэт Раённы выканаўчы камітэт
  • Уязны знак у горадУязны знак у горад
Галоўная / Навіны / Навіны рэгіёну

Конкурс дзіцячых і маладзёжных праектаў "Энергамарафон-2019" стартуе ў Беларусі

21.08.2019

XIII Рэспубліканскі конкурс дзіцячых і маладзёжных праектаў па эканоміі і беражлівасці "Энергамарафон-2019" стартуе ў Беларусі, паведамілі БЕЛТА ў Дэпартаменце па энергаэфектыўнасці Дзяржаўнага камітэта па стандартызацыі.

Адборачныя этапы пройдуць у кожнай вобласці і Мінску з падвядзеннем вынікаў у студзені - лютым 2020 года. Заключны этап адбудзецца на базе ўстаноў адукацыі Мінскай вобласці ў сакавіку - красавіку наступнага года.

Конкурс праводзіцца ў намінацыях "Праект практычных мерапрыемстваў па энергазберажэнні", "Культурна-відовішчнае мерапрыемства па прапагандзе эфектыўнага і рацыянальнага выкарыстання энергарэсурсаў", "Мастацкая работа па прапагандзе эфектыўнага і рацыянальнага выкарыстання энергарэсурсаў", "Сістэма адукацыйнага працэсу і інфармацыйна-прапагандысцкай работы ў сферы энергазберажэння ва ўстанове адукацыі".

"Энергамарафон" нацэлены на фарміраванне ў дзяцей і моладзі актыўнай сацыяльнай пазіцыі па рацыянальным выкарыстанні энергарэсурсаў, беражлівым стаўленні да навакольнага асяроддзя. Таксама ён накіраваны на выяўленне і распаўсюджванне эфектыўнага вопыту ўстаноў адукацыі па арганізацыі энергазберажэння.-0-

НАВIНЫ БЕЛАРУСI